Скопје, 21 јули 2022 (МИА) - МВР денеска во периодот од 07.00 до 12.00 часот спроведе зајакната акциска контрола за санкционирање на возила кои непрописно престигнуваат на територијата на државата, при што се санкционирани 145 возачи. Од нив, како што информираа од МВР, 44 се казнети на територијата на СВР Охрид, 24 на територија на СВР Битола, а 21 на територијата на СВР Велес. Засилените акциски контроли продолжуваат и во наредните денови, се додава во соопштението на МНР. цр/сп/