Израелски лекари згрижиле 89 лица за време на иранските напади, повеќето се полесно повредени додека трчале кон засолништата
Тел Авив, 28 февруари 2026 (МИА) – Службата за итна помош „Маген Давид Адом“ (МДА) соопшти дека згрижила вкупно 89 лица кои биле полесно повредени како резултат на нападите со балистички ракети од Иран, од кои огромното мнозинство се повредени индиректно.
МДА наведува дека 16-годишник бил повреден од шрапнел во Кфар Касим, маж во неговите 50-ти години бил повреден од ударен бран од експлозија во Кабије-Табаш-Хајаџрем, а 53-годишник бил ранет по пад од висина по удар на фрагмент од ракета во Тират Кармел.
Останатите 86 лица биле повредени по пад при трчање кон засолништата, соопшти МДА. Уште шест други лица биле третирани поради акутна анксиозност. јт/
Фото: Маген Давид Адом на Х
