Ерусалим, 6 мај 2025 (МИА) – Израелската армија денеска нареди итна евакуација на жителите од околината на Меѓународниот аеродром во главниот град на Јемен, Сана.

- Ако не го напуштите подрачјето ги загрозувате своите животи, објави портпаролот на израелската армија Авичај Адреи на социјалните мрежи.

Израелската армија вчера бомбардираше објекти на бунтовничкото движење Хути. При нападите врз клучното пристаниште Ходеида на Црвено Море, загина најмалку едно лице, а 35 се повредени.

Хутите соопштија дека имало шест напади врз пристаништето Ходеида и дека била погодена и цементарница оддалечена 55 километри. ми/

фото: МИА архива