Скопје, 6 ноември 2024 (МИА) - Во Културно-информативниот центар - Скопје вечер ќе биде отворена изложба на Владимир Темков. 

Темков ќе се претстави со 30 досега неизложувани слики од неговиот последен циклус.

Изложбата ќе трае до 18.11.2024 година.

Темков е роден, живее и работи во Кавадарци. Завршил факултет за ликовни уметности, отсек графика, во класата на проф. д-р Трајче Блажевски, а магистрирал сликарство во класата на проф. Благоја Маневски. Основач и организатор е на Меѓународната ликовна колонија, Кавадарци - Михајлово од 1996 година.

Добитник е на многу домашни и меѓународни признанија од областа на ликовната уметност. Учествувал на голем број групни изложби, ликовни колонии, симпозиуми, семинари,... мч/мд/

фото: КИЦ - Скопје