Изградена трим патека во струмичко Босилово
Струмица, 26 јули 2023 (МИА) - Во општинскиот центар Босилово изградена е трим патека во должина од 1.050 метри и е поставена урбана опрема.
Патеката е изградена во рамки на проектот „Туризмот-иднината на регионот“, што е имплементиран од страна на Центарот за развој на Југоисточниот плански регион.
Како што информираат оттаму, жителите на Босилово со изградбата на патеката добиле ново место за спорт и рекреација.
Средствата во износ од 5.249.038 денари се обезбедени од страна на Бирото за регионален развој, а сопствено учество имаше и Општина Босилово.рт/цр
Фото: ЈИПР
