Тел Авив, 13 април 2024 (МИА) – Израелската војска досега идентификувала повеќе од 100 дронови лансирани од Иран кон Израел.

Израелските воздухопловни сили ги следат дроновите и се подготвуваат за дополнителни бранови напади, кои може да вклучуваат и проектили.

Беспилотните летала кои во моментов се следат се очекува да стигнат до земјата за неколку часа, иако ИДФ ќе работи на нивно пресретнување во претходна фаза.

На другите закани, вклучително и балистички или крстосувачки ракети, ќе им треба помалку време да стигнат до Израел, а ИДФ вели дека соодветно ќе објавува нови информации.

Израелската армија вели дека е добро подготвена да се справи со иранскиот напад, а началникот на Генералштабот, генерал-полковник Херзи Халеви одржа уште една проценка во последните неколку часа.

Десетици борбени авиони на израелските воздухопловни сили во моментов се на небото и се подготвени да нападнат секаде каде што е потребно, нагласи ИДФ. јт/