Тел Авив, 20 април 2025 (МИА) – Еден од командантите на либанскиот Хезболах, Хусеин Али Наср е убиен денеска во напад на израелски дрон во јужен Либан, меѓу Сидон и Тир, соопштија израелските одбранбени сили (ИДФ).

ИДФ информира дека целта бил Наср, заменик-шефот на единицата 4.400 на Хезболах, за која израелската војска вели дека е одговорна за шверц на оружје во Либан.

Според ИДФ, Наср, во соработка со Иран, работел на шверц на оружје и пари во Либан за обнова на воените капацитети на Хезболах, пишува Тајмс оф Израел.

Дел од оружјето и парите биле прошверцувани преку аеродромот во Бејрут, тврди израелската армија. јт/

Фото: МИА архива