Иван Варадиновски нов шеф на стручниот штаб на ФК „Каменица Саса“
- Иван Варадиновски е нов шеф на стручниот штаб на Фудбалскиот второлигаш „Каменица Саса“ од Македонска Каменица. Со неговото назначување за тренер на екипата, како што истакнаа од клубот, почн
![Иван Варадиновски нов шеф на стручниот штаб на ФК „Каменица Саса“](https://mia.mk/images/20221113161405_big_730x400_84.webp )
Македонска Каменица, 18 јуни 2022 (МИА) - Иван Варадиновски е нов шеф на стручниот штаб на Фудбалскиот второлигаш „Каменица Саса“ од Македонска Каменица. Со неговото назначување за тренер на екипата, како што истакнаа од клубот, почнуваат новитетите во зелено-црниот тим за следната сезона.
-Варадиновски има долгогодишно искуство во македонскиот фудбал. Како фудбалер своите први чекори ги прави во Брегалница Штип, каде што за првпат настапува и во сениорски тим. Тој е поранешен фудбалер и на Беласица, Скопје, Локомотива и Плачковица. Се работи за млад фудбалски стручњак кој е полн со ентузијазам и желба за работа, велат од клубот од Македонска Каменица.
Во својата изјава Варадиновски се заблагодари за укажаната доверба на управата на ФК „Каменица Саса“, ветувајќи дека ќе се вложи максимално и ќе даде се од себе за да ја оправда довербата.
Од своите поранешни искуства, Варадиновски претходно раководеше и со клупата на ФК „Пехчево“, каде две години беше и асистент на шефот на стручниот штаб, а има искуство и како поранешен тренер на најмладите категории на Штипска Брегалница продолжувајќи ја својата работа како тренер во пионерско-младинската школа од Штип. вс/вј/