Порт-о-Пренс, 8 август 2023 (МИА) -  Амбасадата на САД во главниот град на Хаити, Порт-о-Пренс, објави дека од денеска е затворена поради неодамнешното пукање во нејзина близина.

Исто така, оттаму најавија дека го ограничиле движењето на нивниот персонал во комплексот на амбасадите до следното известување.

„Некои рути до амбасадата може да бидат загрозени поради пукотниците“, предупреди американската Амбасада, пренесена од британските медиуми.

Затворањето на американскиот дипломатски комплекс доаѓа по вчерашните зголемени тензии на протестите во Порт-о-Пренс кога демонстрантите се судрија со полицијата, барајќи заштита од насилните банди. 

Бандите на Хаити киднапираат и убиваат луѓе во се поголем број, додека истовремено се уништува здравствениот систем.

Според податоците на Обединетите нации, за околу 5,2 милиони жители на островската држава е потребна хуманитарна помош, што е речиси половина од населението на Хаити. сд/

фото:ЕПА

Crise sécuritaire à Haïti : des habitants de Port-Au-Prince descendent dans les rues pour dénoncer l'insécurité grandissante alors que les gangs ont pris le contrôle de 80% de la capitale depuis l'assassinat du Président en 2021.

En plus de la pauvreté endémique, les habitants… pic.twitter.com/PWC0EIFFhb

— Anonyme Citoyen (@AnonymeCitoyen) August 8, 2023