Брисел, 27 мај 2025 (МИА) - Европската комисија иницира поддршка во вкупна вредност од 280 милиони евра од Фондот за солидарност на ЕУ (ЕУСФ) за обнова на реоните во Австрија, Босна и Херцеговина, Молдавија. Полска, Словачка и Чешка, кои беа погодени од големи поплави во септември и октомври 2024 година. 

Минатата година овие земји беа зафатени од бурата „Борис“, проследена со поројни дождови, кои предизвикаа големи поплави и сериозни материјални штети. 

Комисијата сега предлага со овие средства од Фондот за солидарност да се финансираат поправката на оштетените објекти, поддршката на погоденото население, подобрувањето на превентивната инфраструктура, заштитата на локациите со статус на културно наследство и операциите за расчистување на теренот. сп/ 

Фото: МИА Архива