Скопје, 28 октомври 2022 (МИА) - Во рамки на регионалната соработка на телата за правна заштита во постапките за јавни набавки, денеска во Тирана, Република Албанија, беше потпишан Меморандум за соработка на државните комисии од Албанија, Босна и Херцеговина, Хрватска, Косово, Црна Гора, Северна Македонија, Романија, и Словенија. Со Меморандумот се етаблира мрежа на жалбени тела од Југоисточна Европа, со градење на правната пракса и добрите европски практики. Преку неа ќе се споделувааат искуства и ќе се градат заеднички ставови на системите за правна заштита и спроведување на европските директиви. Во рамките на настанот претседателот на Државната комисија за жалби по јавни набавки Кирил Каранфилов оствари и билатерална средба со претседателот на Комисијата за жалби по јавни набавки на Република Албанија. мч/лв/