Дака, 14 април 2025 (МИА) - Бангладеш повторно ја воведе формулацијата „важи за сите земји освен Израел“ во пасошите на своите граѓани, со што ефективно ја обнови забраната за патување во Израел, јавија локални медиуми.

Фразата со децении беше стандардна во пасошите на Бангладеш, но беше отстранета во 2021 година. И покрај тоа, тогашната премиерка Шеих Хасина тврдеше дека ставот на земјата – која не го признава Израел – останува непроменет.

Минатата недела, властите издадоа нова директива за повторно вклучување на спорната формулација. „Генералниот директор на имиграцискиот и пасошкиот оддел е задолжен да ја спроведе оваа измена“, изјави Нилима Афрозе од Министерството за внатрешни работи за агенцијата БСС.

Во меѓувреме, околу 100.000 луѓе протестираа во Дака во знак на солидарност со населението на Газа. ссм/

фото: архива