Скопје, 12 септември 2025 (МИА) - Доктор Маријан Денковски, член на Стоматолошката комора на Македонија (Macedonian Dental Chamber), на Генералното собрание на ФДИ во Шангај, Кина, со поддршка на сите комори и асоцијации во поширокиот регион, е избран за член на Комитетот за стоматолошка практика (FDI Dental Practice Committee).

- Првпат од осамостојувањето, а воедно и како прв претставник од земјите на поранешна Југославија во последните 40 години, избран е македонски кандидат во највисоките тела на Светската стоматолошка федерација (FDI) – организација што обединува околу 200 национални стоматолошки асоцијации. Д-р Маријан Денковски, член на Стоматолошката комора на Македонија (Macedonian Dental Chamber), на Генералното собрание на ФДИ во Шангај, Кина, со поддршка на сите комори и асоцијации во поширокиот регион, победи на изборите за член на Комитетот за стоматолошка практика (FDI Dental Practice Committee) во конкуренција со осум противкандидати од многу поголеми и влијателни држави – меѓу кои Кина, Турција, Костарика, Русија, Португалија и други, соопштуваат од Стоматолошката комора. 

Ова, велат оттаму, претставува историски момент за македонската стоматологија и нејзината позиција и угледот на светската сцена.

-За Стоматолошката комора на Македонија, „невозможно“ е само збор на хартија – сè друго е можно со многу труд и работа, се вели во денешното соопштение од Стоматолошката комора на Македонија. сст/са/

Фото: МИА архива