Додик: Сецесијата никогаш не била политика на Република Српска
- Ден по посетата на директорот на ЦИА, Вилијам Барнс на Сараево, тој на својот Х профил напиша дека „меѓутоа, Република Српска има право на политичка борба за својот статус, во согласност со Дејтонскиот договор“.
![Додик: Сецесијата никогаш не била политика на Република Српска](https://mia.mk/images/20240821170112_big_730x400_84.webp )
Бања Лука, 21 август 2024 (МИА) - Претседателот на Република Српска, Милорад Додик, денеска изјави дека РС никогаш не го оспорувала суверенитетот и територијалниот интегритет на БиХ во согласност со Дејтонскиот договор и дека отцепувањето никогаш не било политика на овој ентитет.
Ден по посетата на директорот на ЦИА, Вилијам Барнс на Сараево, тој на својот Х профил напиша дека „меѓутоа, Република Српска има право на политичка борба за својот статус, во согласност со Дејтонскиот договор“.
„БиХ е унија на два еднакви ентитети и три конститутивни народи, затоа е охрабрувачки ставот на г-дин Барнс дека одговорноста за функционирањето на земјата е на сите етнички заедници“, наведе Додик во изјавата на Х.
Претседателот на РС додаде дека борбата против тероризмот е одговорност на целиот слободен свет и дека и РС е посветена на таа борба.сд/
фото:МИА архива