Димитров до Бомгартнер: Силно сме убедени во француската поддршка за ЕУ
- Јасна порака дека Северна Македонија ќе продолжи да работи на европската агенда и ќе продолжи да бара почитување на своето право на самоопределување испрати вицепремиерот задолжен за европски
![Димитров до Бомгартнер: Силно сме убедени во француската поддршка за ЕУ](https://mia.mk/images/20221105014811_big_730x400_76.webp )
Скопје, 16 ноември 2020 (МИА) - Јасна порака дека Северна Македонија ќе продолжи да работи на европската агенда и ќе продолжи да бара почитување на своето право на самоопределување испрати вицепремиерот задолжен за европски прашања Никола Димитров, на денешната прва официјална средба со новиот амбасадор на Франција, Сирил Бомгартнер.
Димитров, како што информираат од неговиот кабинет, нагласил дека изминативе години Северна Македонија цврсто ја демонстрираше својата посветеност кон остварување на стратешката цел за членство во Унијата, преземајќи храбри чекори за надминување на билатералните прашања со соседите и спроведување на суштински реформи во земјата, пред се’ во областа на владеење на правото и појасни дека почетокот на преговорите е логичен чекор што треба да обезбеди поголем фокус и континуитет на реформите.
- Силно сме убедени во француската поддршка, ако се има предвид дека новата методологија, усвоена токму на иницијатива на Париз, предупредува сите да се воздржат од злоупотреби на нерешени прашања во пристапниот процес. Ако ЕУ е заедница на вредности, тогаш сите треба да се заложат тие вредности и да се почитуваат. Имаме историска можност, годината која што е исполнета со многу предизвици да ја заокружиме со споделен успех, порача Димитров.
На средбата, исто така, било потенцирано дека Владата ќе продолжи да ги спроведува реформите бидејќи, како што порача Димитров, независно од предизвиците, ние нема да се откажеме од целта за суштинска европеизација на општеството и подобрување на условите за живот на сите граѓани.
Посакувајќи му успех на амбасадорот Бомгартнер во извршувањето на новата функција, Димитров, се вели во соопштението, истакнал дека почетокот на неговиот мандат се совпаѓа со еден од најклучните периоди во историјата на земјата и изрази верување дека неговиот ангажман ќе придонесе за заедничкиот успех. аа/са/
![Димитров - Бомгартнер 1](/articles/images/dimitrov-do-bomgartner-silno-sme-ubedeni-vo-francuskata-poddrshka-za-e/HZax8oKhB/placeholder.webp?use_watermark=0)