Софија, 29 август 2025 (МИА) – Денеска почнува фестивалот „пирин фолк“ 2025. Традиционално, домаќин на настанот е Летниот театар во Сандански, каде што гледачите ќе уживаат во трите фестивалски вечери, изјавија за БТА од прес-центарот на градската администрација. Фестивалот почнува со деветтото издание на „Детскиот Пирин фолк“ – натпревар за деца на возраст меѓу осум и 15 години. Специјални гости на првата фестивалска вечер ќе бидат Володја Стојанов, Радостина Николова и Стојан Петков.

Ова е веста, која денеска ја избра МИА од сервисот на Бугарската телеграфска агенција (БТА), согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат по една вест, која ќе ја објават на својот интернет сајт без промени со изрично посочување и цитирање на партнерот како извор.

На 30 август (сабота) ќе се одржи натпреварот по сценски уметности. Учесниците ќе се натпреваруваат со интерпретации на македонски песни. Во рамките на втората фестивалска вечер ќе гостуваат сестрите Ива и Велислава Костадинови и Јуриј Крумов.

Кулминацијата на „Пирин фолк“ ќе биде на 31 август (недела), кога ќе се одржи натпреварот за авторска македонска песна. Последната вечер ќе гостуваат Гуна Иванова и Рајко Кирилов. Тие ќе се претстават со култни песни од нивниот репертоар, информираат организаторите.

Според информација на БТА, оваа година во натпреварот за песна учествуваат 15 лица, а во натпреварот за изведувачки уметности – исто 15. Гласањето ќе трае до крајот на натпреварувачката програма на 31 август 2025 година.

Фестивалот е организиран од Општина Сандански, Фен Фолк ТВ и Мјузик Медиа Кластер. БТА е медиумски партнер на настанот. Телевизиските станици што ќе го емитуваат фестивалот во живо се: БНТ 1, БНТ 4, Фен Фолк ТВ, Фен ТВ и EKids. Радио станиците што ќе емитуваат се програмата „Христо Ботев“ на Бугарското национално радио, радио „Зорана“ и радио „Белла“. Настанот ќе биде достапен и за следење онлајн на официјалниот YouTube канал на Фен Фолк ТВ.

_______________________________________________________________________________________________________________________________

Медиумската информативна агенција овие текстови ги објавува во оригинална форма, согласно Договорот за размена на информации и професионална соработка меѓу двете национални новински агенции МИА и БТА.