Дебата „Дали ни е потребна медиумска диета?“
- Во рамки на Деновите на медиумска писменост, во организација на Институтот за комуникациски студии (ИКС) денеска ќе се одржи дискусија на тема „Дали ни е потребна медиумска диета?“.
![Дебата „Дали ни е потребна медиумска диета?“](https://mia.mk/images/20231028204408_big_730x400_34.webp )
Скопје, 30 октомври 2020 (МИА) - Во рамки на Деновите на медиумска писменост, во организација на Институтот за комуникациски студии (ИКС) денеска ќе се одржи дискусија на тема „Дали ни е потребна медиумска диета?“.
На настанот, информираат организаторите, меѓу другото ќе се дебатира за што најмногу младите го користат интернетот, како да се зачува менталното здравје во дигиталната ера, а ќе бидат презентирани и наодите од последното истражување на ИКС за навиките на корисниците на социјални мрежи.
Најавено е обраќање на Васка Митова, специјалист психијатар од Универзитетската клиника за психијатрија, Ана Попризова, училишен психолог, Стефан Митиќ, студент и учесник на социјалниот експеримент на ИКС „Дигитална детоксикација“ и Рамизе Рамадани, ученичка во средното медицинско училиште „Гостивар“. Модератор на дебатата ќе биде Александра Теменугова од Институтот за комуникациски студии. фф/бак/