Бангкок, 30 ноември 2024 (МИА) - Воен брод на морнарицата на Мјанмар рано утринава отворил оган врз тајландски рибарски чамци во близина на јужниот тајландски остров Фајам, во близина на границата со Мјанмар, соопшти тајландската војска.

Јапонската агенција Кјодо јави дека во нападот загинале најмалку двајца членови на екипажот на тајландски рибарски брод, а други двајца се ранети.

По инцидентот на островот Фајам, мјанмарската морнарица заробила неколку тајландски рибарски чамци и привела 31 рибар, чие ослободување, во меѓувреме, го побара тајландската Влада.

Локалните медиуми во Тајланд јавија дека рано утринава, воен брод на Мјанмар отворил оган врз три тајландски рибарски чамци во водите на Тајланд.

Извештаите покажуваат дека рибарските бродови биле на 20 километри западно од Кох Фајам кога бродот од Мјанмар им се приближил, објави Nationthailand.com.сд/

фото:ЕПА