Вашингтон, 14 мај 2025 (МИА) - Група од 20 американски држави предводени од демократи поднесе две тужби за да го блокира обидот на администрацијата на претседателот Доналд Трамп да ги принуди да спроведат регулативи за имиграција за да добијат средства од повеќе милијарди долари за транспорт, борба против тероризмот и мерки за одбрана од вонредни ситуации.

Овие држави тврдат во тужби пред федералните судови дека Одделите за транспорт и за внатрешна безбедност нелегално користат федерални средства за да ги принудат да ги спроведат строгите политики за имиграција на Трамп.

Главниот тужител, демократот Роб Бонта, кој ја има функцијата обвинител на Калифорнија, рече дека Трамп злоупотребува средства за одржување на патиштата и подготвеност за одбрана во случај на вонредни ситуации и ги користи за да ги принуди државите да ги спроведат неговите регулативи за имиграција.

Портпаролката на Министерството за внатрешна безбедност, Триша Меклафлин, изјави дека државите што го спречуваат нејзиниот оддел да апси мигранти не треба да добиваат федерално финансирање. Во меѓувреме, Министерството за правда поднесе тужби против демократските држави Илиноис, Колорадо и Њујорк за наводно попречување на федералното спроведување на имиграциските прописи. рп/

Фото: МИА архива