Гризман се враќа на тренинзите во Атлетико Мадрид
Мадрид, 28 март 2024 (МИА) - Напаѓачот Антоан Гризман се врати на тренинзите со Атлетико Мадрид, објави „Marca“.
Триесет и двегодишниот Французин поради повреда ги пропушти мартовските натпревари на неговата репрезентација. За прв пат по 2017 година Гризман не играше за „триколорите“.
Оваа сезона Гризман одигра 38 натпревари на кои постигна 19 голови и имаше 7 асистенции.
Договорот на Французинот со Атлетико Мадрид е до крајот на јуни 2026 година. зс/
Фото: ЕПА
