Скопје, 26 јули 2025 (МИА) - Делегација на Град Скопје предводена од градоначалничката Данела Арсовска, оддаде почит на жртвите од катастрофалниот земјотрес, кој пред 62 години главниот град го остави во урнатини.

Како што се наведува во соопштението на Град Скопје, главниот град се сеќава на 26 јули 1963 година, ден кој засекогаш го промени ликот на градот, трагедија која одзеде над илјада животи. Никогаш да не се повтори!

-Овој ден буди чувство на тага, но секогаш ќе се памети и по човечноста и хуманоста на сите кои помогнаа во најтешките моменти. Во рамки на одбележувањето, вечерва во 20:00 часот во Музејот на Град Скопје ќе биде отворена изложбата „Скопје за време на земјотресот и потоа“, се додава во соопштението. ац/

Фото: МИА