Штип, 8 октомври 2024 (МИА) - Во штипската приградска населба Стар Карорман од денеска почна уредувањето на тротарите, покрај регионалниот пат Штип-Карбинци, а кои се очекува да обезбедат безбедно движење на пешаците и учениците до училиштето. За изградбата на тртоарите се издвоени повеќе од еден милион денари од буџетот на општината.

Градоначалникот на Општина Штип, Иван Јорданов на денешната прес-конференција информира дека овој пат ги поврзува општините Штип и Карбинци.

 -Во населбата Стар Караорман почнуваат активности за уредување на тротоарски површини на влезот од самата населба. Практично на долниот крај, долниот дел од населбата е поврзување со училиштето од истата населба и обезбедување на пешачка патека, која што ќе ја користат не само учениците кои што минуваат, туку и жителите од населбата Стар Караорман, рече Јорданов.

По изградбата на тртоарите, ќе почне и реконструкцијата на локалниот пат за што Јавното претпријатие за државни патишта за реконструкција на патот има предвидено 30 милиони денари. вдј/фф/

Фото: МИА