Барселона, 29 јануари 2025 (МИА) – Тренерот на Аталанта, Џан Пјеро Гасперини ги сподели своите очекувања за натпреварот против Барселона.

Вечер на „Камп Ноу“ Аталанта гостува кај Барселона во последното коло од групната фаза на Лигата на шампионите.

- Не ни е лесно да играме против тим како Барселона. Ако успееме да победиме, ќе победиме една од најсилните селекции во светот. Добро знаеме дека целта ни е да влеземе меѓу осумте најдобри. Генерално, многу сум задоволен од нашиот настап. Имавме многу тежок распоред, игравме со Реал Мадрид и со Арсенал. Мислам дека ќе ни одговара реми. За мене е поважно да ги измериме силите против Барселона и да го видиме нашето вистинско ниво. Во минатото Барса го немаше само Меси, туку и други играчи беа и лидери. Сега Флик изгради одличен тим. Барса секогаш игра добро, има млади таленти. Сите играчи се брзи и технички квалитетни, истакна Гасперини.

Натпреварот почнува во 21 часот. Барселона во моментов е втора со 18 бода, Аталанта се наоѓа на седмото место со 14 бодови. зс/

Фото: ЕПА