Белград, 11 март 2026 (МИА) - Претседателот на Србија, Александар Вучиќ, денеска разговараше со претседателот на Обединетите Арапски Емирати, шеикот Мохамед бин Зајед ал-Нахјан, за ситуацијата на Блискиот Исток и последиците од конфликтот врз мирот и стабилноста на поширокиот регион, опасноста од понатамошна ескалација, како и потребата од зачувување на каналите на дијалог и политичко разбирање.

„Се осврнавме и на пошироките меѓународни можности, влијанието на актуелните настани врз глобалната стабилност, енергетската безбедност и економската предвидливост, кои се теми од непосредно значење и за нашата земја“, објави Вучиќ на Инстаграм.

„Во вистински пријателски и отворен разговор со @mohamedbinzayed за ситуацијата на Блискиот Исток и последиците од конфликтот врз мирот и стабилноста на поширокиот регион, опасноста од понатамошна ескалација, како и потребата од зачувување на каналите на дијалог и политичко разбирање во време на големи предизвици“, наведе Вучиќ во објава на Инстаграм.  зш/ми/
фото Инстаграм/Вучиќ