Хјустон, 29 декември 2024 (МИА) - Две лица загинаа, а шест се повредени во торнада во Тексас и Мисисипи, соопшти денеска Националната метеоролошка служба.

Торнадата се движат кон југоисточниот дел на Соединетите Американски Држави и се очекува да продолжат да произведуваат силни, разорнувачки ветрови.

Невремето ќе продолжи да се движи кон исток додека на крајот не падне на копно, што се очекува подоцна денеска.

Соопштено е дека досега се добиени 40 пријави за торнада.

Во саботата едно лице загина во областа Ливерпул, јужно од Хјустон, Тексас.

Во Мисисипи, едно лице загина во округот Адамс, а две лица се повредени во округот Френклин, соопшти Агенцијата за вонредни состојби во Мисисипи.

Националната метеоролошка служба соопшти дека две торнада го погодиле и градот Брендон, носејќи покриви од неколку згради.

Не е невообичаено вакви временски непогоди да се случат на крајот на годината во тој дел на Америка. паг/

Фото: МИА архива