Софија, 25 август 2025 (МИА/БТА) - Во следните три недели треба да бидат подготвени двата договора за заедничко вложување со „Рајнметал“, изјави Бојко Борисов по средбата со главниот извршен директор на одбранбениот концерн „Рајнметал“, Армин Папергер, во Диселдорф.

Ова е веста, која денеска ја избра МИА од сервисот на Бугарската телеграфска агенција (БТА), согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат по една вест, која ќе ја објават на својот интернет сајт без промени со изрично посочување и цитирање на партнерот како извор.

Изјавата беше објавена на Фејсбук-страницата на Борисов. Претходно беше објавен и пречекот на лидерот на ГЕРБ во зградата на „Рајнметал“ во Диселдорф.

Фабриката за барут ќе биде голема колку два германски завода овде, најголемата во Европа. Ова е најдефицитарната стока во моментот и јас сум исклучително благодарен на господин Папергер што го избраа теренот на Вазовските заводи за оваа огромна фабрика, рече Борисов.

Следното – фабриката за 155-милиметарски гранати и истрели, натовски калибар, се исклучително важни и за Бугарската армија, а и за цела Европа, и целта е производствен капацитет од 100 илјади парчиња во фабриката, посочи тој.Ги информиравме Европската комисија за овие два проекта и по механизмот SAFE ги гарантиравме парите од страна на бугарската држава, додаде Борисов.

Во следните три недели сето ова треба да биде завршено, за да го внесеме во парламентот, за да биде ратификувано од бугарските партии, изјави лидерот на ГЕРБ.

Тој посочи дека работат и на следна фабрика или филијали за изградба и производство на дронови.

Борисов се заблагодари за тимовите што „Рајнметал“ редовно ги испраќаше од март досега, и на извршниот директор Армин Папергер, што ѝ посвети внимание на Бугарија и го оцени нејзиниот огромен потенцијал.Бугарија еros е исклучително важна земја за Европа, но и исклучително важна земја за „Рајнметал“, рече Армин Папергер.

„Рајнметал“ заедно со Бугарија во најскоро време ќе изгради најмалку две фабрики во Бугарија, првата од нив ќе биде за артилериски гранати, изјави Папергер. Уште поважно е нашето заедничко вложување за барут, додаде тој. Папергер посочи дека заедно со бугарската влада и „Рајнметал“ ќе направат заедничка инвестиција во вредност од над 1 милијарда евра за производство на овие важни компоненти.

БТА потсетува дека во април Бојко Борисов се сретна во Германија со Армин Папергер, главниот извршен директор на најголемиот одбранбен концерн во Европа – „Рајнметал“. Испратив на Росен Жељазков исклучително детална понуда за инвестиција за фабрика за барут, заедно со германскиот концерн „Рајнметал“, изјави потоа Борисов во кулоарите на парламентот. На крајот на март Борисов се сретна со Папергер, кој беше во посета на Бугарија, соопштија од прес-центарот на ГЕРБ.

Претходно, Армин Папергер и делегацијата на „Рајнметал“ се сретнаа со претседателот Румен Радев. Претставниците на одбранбениот концерн имаа и средба со премиерот Росен Жељазков во Министерскиот совет, на која беа разгледани можностите за реализација на заеднички проекти за развој на одбранбената индустрија и за инвестиции во интерес на модернизацијата на бугарската армија.

Медиумската информативна агенција овие текстови ги објавува во оригинална форма, согласно Договорот за размена на информации и професионална соработка меѓу двете национални новински агенции МИА и БТА.