Во општина Дебар до 13 часот гласале 15 отсто од вкупно запишаните, речиси на исто ниво како во првиот круг
Дебар, 2 ноември 2025 (МИА) – Изборниот ден во општина Дебар минува тековно, без проблеми со зголемен процент на излезност, но речиси на исто ниво, како во првиот круг од локалните избори на 19 октомври.
-До 13 часот во општина Дебар правото на глас го искористиле 3.024 лица или 15 отсто од вкупно запишаните 19.763 во единствениот избрачки список, што е за 1 отсто поголема излезност споредено со првиот круг, кога до 13 часот правото на глас го искористија 2.739 лице или 14 отсто. Изборниот ден минува без проблеми, а поголема излезност очекуваме во следните попладневи часови, изјави за МИА, Рилинд Хаса, претседател на ОИК-Дебар.
Во вориот круг на минатите избори, пред четири години, излезноста беше 18,3 отсто.
Дел од 27. избирачки места освен членовите на ОИК, биле посетени од набљудувачи на ОБСЕ/ОДХИР. вт/вј/
Фото: МИА
