Во Неготино поставена првата од предвидените 10 мерни станици за „смарт земјоделство“
- На територијата на општина Неготино денеска започна поставувањето на 10 мерни станици со кои ќе се овозможи електронски мониторинг на атмосферските влијанија врз земјоделско обработливите пов
![Во Неготино поставена првата од предвидените 10 мерни станици за „смарт земјоделство“](https://mia.mk/images/20221113234122_big_730x400_65.webp )
Неготино, 3 октомври 2022 (МИА) - На територијата на општина Неготино денеска започна поставувањето на 10 мерни станици со кои ќе се овозможи електронски мониторинг на атмосферските влијанија врз земјоделско обработливите површини, односно на лозаро-овоштарските насади.
![смарт земјоделство](/articles/images/%d0%b2%d0%be-%d0%bd%d0%b5%d0%b3%d0%be%d1%82%d0%b8%d0%bd%d0%be-%d0%bf%d/Zq45t2Ig5/placeholder.webp?use_watermark=0)
-Со поставувањето на овие мерни станици се овозможува електронски мониторинг, истите ќе даваат информации за влажноста на воздухот, сончевите денови во годината, количеството врнежи, степенот на температурни осцилации и други податоци кои ќе се акумулираат електронски со посебен софтвер, информираше неготинскиот градоначалник Горан Стојанов.
Тој соопшти дека мерните станици ќе овозможат и да се предвиди третманот на лозаро-овоштарските насади, што ќе придонесе за намалување на трошоците за третирање со пестициди, зголемен принос на производство и негов значително подобар квалитет.
- Проектот го реализираме во соработка со Бирото за регионален развој, вкупната вредност е 10 милиони денари од кои девет обезбедува Бирото, а општина Неготино учествува во проектот преку ко-финансирање со средства од 250.000 денари од буџетот на општината, соопшти Стојанов. свд/дма/