Делчево, 4 јуни 2025 (МИА) - Општина Делчево почнува тендерски постапки за проектите „Работи за изградба на скејт парк во Делчево“ и „Регулација на коритото на река Брегалница“. Тендерските постапки се во рамките на имплементацијата на проектот „Интегрирани прекугранични туристички акции во регионот Благоевград-Делчево“.

- Проектите ќе се реализираат со финансиска помош од програмата Interreg VI-A IPA Бугарија – Северна Македонија 2021 – 2027. Тендерската документација е достапна за увид во Општина Делчево, ул. „Светозар Марковиќ“ бр. 1, 2320 Делчево и објавена на следните веб-страници: https://ipa-bgmk.mrrb.bg ; https://delcevo.gov.mk; , информираа од Општината.

Понудите, како што додадоа, може да се поднесат најдоцна до крајот на овој месец.

-Краен рок за поднесување на понудите е 30.06.2025 до 15:00  часот (локално време). Евентуалните дополнителни информации или појаснувања/прашања ќе бидат објавени на следните веб-страници: https://ipa-bgmk.mrrb.bg; www.delcevo.gov.mk, додадоа од Општината. вс/мд/