Брисел, 4 ноември 2025 (МИА) – Министрите за животна средина и заштита на климата на земјите-членки на Европска Унија на денешниот состанок во Брисел ќе се обидат да ги надминат своите разлики околу клучните цели за намалување на емисиите на стакленички гасови во ЕУ, неколку дена пред почетокот на Конференцијата за клима на ОН (КОП30) во Бразил.

Министрите ќе се обидат да најдат заеднички став за климатското законодавство на ЕУ за 2040 година. Тоа уследи откако Европската комисија предложи намалување на емисиите за 90 проценти до 2040 година во споредба со нивото од 1990 година, врз основа на научни докази.

ЕУ има за цел да стане климатски неутрална до 2050 година, што значи дека нема да се генерираат повеќе емисии на стакленички гасови отколку што може да се апсорбира од природата или со технички средства. ми/

фото: МИА архива