Во Боцвана пронајден вториот најголем дијамант во светот
- Канадската рударска компанија „Лукара Дајмонд Корп“ денеска ја информира светската јавност дека во нивни рудник во Боцвана ископала дијамант од 2.492 карати, што е најголемиот дијамант некогаш откриен во оваа земја и втор по големина во светот.
![Во Боцвана пронајден вториот најголем дијамант во светот](https://mia.mk/images/20240822174605_big_730x400_97.webp )
Габороне, 22 август 2024 (МИА) – Канадската рударска компанија „Лукара Дајмонд Корп“ денеска ја информира светската јавност дека во нивни рудник во Боцвана ископала дијамант од 2.492 карати, што е најголемиот дијамант некогаш откриен во оваа земја и втор по големина во светот.
Канадската компанија соопшти дека дијамантот е пронајден и ископан во рудникот за дијаманти „Карова“, во северниот дел на централна Боцвана.
-Ова откритие не само што го покажува исклучителниот потенцијал на нашиот рудник „Карова“, туку и ја поддржува нашата стратешка инвестиција во најсовремената технологија KSRT, рече претседателот и главен извршен директор на „Лукара“, Вилијам Ламб.
Претходно, во 2019 година во овој рудник беше откриен дијамант од 1.758 карати, како и дијамант од 1.109 карати во 2015 година.сд/
фото:Лукара