Скопје, 27 декември 2023

Во 15 општини предводени од ВМРО-ДПМНЕ ќе отпочне инвестициски циклус на капитални проекти, вреден над 934 милиони денари. Оваа реализација на крупни капитални инвестиции ќе отпочне со стартот на градежната сезона на пролет и ќе значи сериозен придонес за подобар живот на сите граѓани.
Се очекува во март месец, најдоцна април да се отпочне со проектот за доградба и надградба на детска градинка Изворче и проект на доградба и надградба на ОУ Блаже Коневски во општина Аеродром.

Во општина Кисела Вода со овој инвестициски циклус се предвидува изградба на нова градба за ОУ Климент Охридски во Драчево и доградба на градинката 8-ми март во населба Расадник. 

Во општина Гази Баба, пак се предвидува отпочнување на проектот за изградба на ново основно училиште “Крсте Мисирков“. Во Бутел и Ѓорче Петров градежните активности ќе започнат во март, и тоа за реконструкција на детска градинка во Бутел, односно изградба на детска градинка во населбата Стопански двор во Ѓ. Петров.

Во Штип ќе се гради спортска сала „Џексон“, а во Охрид ќе се прави реконструкција и адаптација на простор за нова училишна зграда на ООУ “ Кочо Рацин“ и ќе почне проект за изградба на училишна спортска сала во ОУ “Ванчо Николески“. 

Општина Битола ќе спроведе целосна реконструкција на улица 8- ми Септември во должина од 1400м, што ќе опфаќа реконструкција на атмосферска и водоводна инсталација, улично осветлување и реконструкција на пропуст над Раштански Порој.

Општина Пехчево со изготвен проект и ревизија, во скоро време ќе отпочне со реконструкција на локалниот пат од село Чифлик до село Умлена и дополнително ќе се реализираат неколку улици. 

Во Јегуновце во март месец ќе отпочне реконструкција на локалниот пат од село Туденце до село Сиричино и реконструкција на локален пат во село Сиричино. 

Општина Македонски Брод во март месец ќе отпочне со реконструкција на улицата “Кирил и Методиј“ со краците. Свети Николе ќе отпочне реализација на проект за мост на реката Периш и асфалтирање на улицата на тој потег, а во Велес ќе се реконструираат спортски терени и урбана опрема. 

За сите овие проекти општините ќе имаат предвидено дополнителни средства од своите буџети.

Ова е само дел од големиот број капитални инвестиции кои општините раководени од ВМРО-ДПМНЕ ќе ги реализираат во наредниот период. Токму ваквата систематска и домаќинска работа ја прави разликата помеѓу посветеното работење кое го нуди ВМРО-ДПМНЕ и криминалот и корупцијата кои се методот на работа на ДУИ и СДС.

Центар за комуникации на ВМРО-ДПМНЕ

________________________________________________________________________________________ 

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.