Свиштов, 27 јули 2024 (МИА/БТА) – Вкупно 132 капачи учествуваа во масовното препливување преку реката Дунав во Бугарија, кое се одржа по 66-ти пат. Оние кои сакаат да ја препливаат реката од различни делови на земјата се собраа во областа Паметницике кај Свиштов.

Ова е веста, која денеска ја избра МИА од сервисот на Бугарската телеграфска агенција (БТА), согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат по една вест, која ќе ја објават на својот интернет сајт без промени со изрично посочување и цитирање на партнерот како извор.

Пред почетокот пријавените за учество поминаа лекарски преглед, по што беа транспортирани со платформи во близина на брегот на романскиот град Зимних. Оттаму тие испливаа речиси еден километар до бугарскиот брег на реката. За нивната безбедност се грижеа 39 спасувачи во вкупно 13 чамци за спасување.

Спортскиот настан го отворија д-р Кристијан Кирилов, претседател на Советот на општина Свиштов и Љубомира Петрова, секретарка на општината. Препливувањето на реката не е натпреварувачко, но традиционално се доделуваат специјални награди, обезбедени од Регионалниот совет на Бугарскиот Црвен крст (БЦК) – Велико Трново.

За „Најмлад учесник“ е наградена петгодишната Лора Димитрова од Елена, а за „Најстар учесник“ Станимир Проданов од Свиштов на 80 години. Наградата „Најредовен учесник“ му припадна на Велико Казанџиев од Елена, кој по 57-ми пат учествуваше во пливањето. Наградата „Семејството заедно ја преплива реката Дунав“ ја доби петчленото семејство Тодоров од Елена.

Секоја година, во екот на летото, кај Свиштов, се препливува Дунав. Настанот е во организација на единицата „Масовно физичко воспитување и спорт“ при општина Свиштов заедно со БЦК и со поддршка од Министерството за одбрана, како и други организации и институции.

Минатата година во масовното препливување преку Дунав учествуваа 140 капачи.

______________________________________________________________________________________

Медиумската информативна агенција овие текстови ги објавува во оригинална форма, согласно Договорот за размена на информации и професионална соработка меѓу двете национални новински агенции МИА и БТА.