Вашингтон загрижен поради прогонот на новинарите во Гватемала
- САД денеска соопштија дека се „многу загрижени“ поради информациите дека Гватемала отворила истраги за „попречување на правдата“ против девет новинари кои истражуваат корупциски скандали.
![Вашингтон загрижен поради прогонот на новинарите во Гватемала](https://mia.mk/images/20230303083921_big_730x400_2.webp )
„Ги повикуваме судовите во Гватемала да отфрлат секаква криминализација на независното новинарство што ќе ги наруши демократските норми и слободата на изразување“, изјави портпаролот на американскиот Стејт департмент, Нед Прајс во соопштение.
Судската постапка е насочена конкретно кон новинарите на опозицискиот дневен весник „Ел Периодико“, како и кон претседателот на весникот, Хозе Рубен Замора, кој е во притвор од неговото апсење во јули 2022 година.
Замора ја чека пресудата по обвиненијата за перење пари и уцена. Тој вели дека е невин и цел на политички прогон поттикнат од гватемалскиот претседател Алехандро Џаматеи и јавниот обвинител Консуело Порас за да се спречи неговиот весник да објавува стории за корупциски скандали во кои е вмешана власта. паг/