• вторник, 27 февруари 2024

Вархеји: ЕУ гледа дека Босна и Херцеговина е посветена на реформите

Вархеји: ЕУ гледа дека Босна и Херцеговина е посветена на реформите

Бања Лука, 5 декември 2023 (МИА) - Европската унија гледа посветеност и позитивен развој на настаните кога станува збор за неопходните и долгоочекувани реформи во Босна и Херцеговина (БиХ), најави денеска европскиот комесар за проширување и соседска политика Оливер Вархеји.

„Многу работи се случија од нашата претходна средба во Сараево. Гледаме посветеност. Гледаме позитивен развој во однос на толку потребните и долгоочекувани реформи“, рече Вархеји.

Лидерите на политичките партии од Босна и Херцеговина се сретнаа со Вархеји во Брисел, пред почетокот на политичкиот форум на високо ниво меѓу ЕУ и Босна и Херцеговина за напредокот во европската интеграција на Босна и Херцеговина.

Сепак, медиумите утринава објавија дека ЕУ најверојатно нема да донесе одлука за отворање на пристапните преговори со Босна и Херцеговина на претстојниот самит во Брисел. паг/

Фото: ЕПА
  
 

 

Остани поврзан