• петок, 12 април 2024

Бруклин го отпушти Жак Вон по поразот од 50 поени разлика

Бруклин го отпушти Жак Вон по поразот од 50 поени разлика

Бруклин, 19 февруари 2024 (МИА) - Челниците на Бруклин денеска соопштија дека му врачиле отказ на тренерот Жак Вон.

Иако незадоволството на главните луѓе во организацијата на Нетс трае веќе подолго време, дефинитивно последната капка беше поразот од Бостон со дури 50 разлика, поточно 136:86. Тоа беше петти пораз во последните шест натпревари за Бруклин.

- Бруклин Нетс го ослободи Вон од должностите како прв тренер на тимот. Привремениот тренер на тимот ќе биде именуван во блиска иднина, беше накратко објавено на клупската веб-страница.

Вон е во клубот од 2016 година, прво како помошник тренер, а тимот го презеде минатата сезона во многу тежок момент, кога Стив Неш доби отказ, а ѕвездите на тимот Кајри Ирвинг и Кевин Дурант сакаа да бидат разменети. Пред Бруклин, Вон сам управуваше со Орландо од 2012 до 2015 година.

За време на неговото време како главен тренер на Нетс, Вон учествуваше во големиот развој на Мајкл Бриџис, кој прерасна во еден од најдобрите играчи во лигата, но и Николас Клакстон направи огромен скок во својата игра под негово раководство.

Нетси моментално се на 11. место во Источната конференција со биланс од 21 победа и 33 порази и се чини дека ќе го пропуштат плеј-офот.дс

Фото: Фејсбук/Бруклин Нетс

Остани поврзан