Биткоинот првпат достигна вредност од 50.000 американски долари
Биткоинот доби поттик по веста дека големите компании „Тесла“, „Мастеркард“ и „БНИ Мелон“ инвестираат значителни средства во криптовалути.
Минатиот понеделник, компанијата на Елон Маск, „Тесла“ соопшти дека купила 1,5 милијарди долари биткоин како дел од новата стратегија за инвестиции и наскоро ќе го прифати како начин на плаќање за нејзините автомобили.
Аналитичарите предвидуваат бавен развој кон широко распространета употреба на биткоинот за плаќање стоки и услуги.
Биткоинот генерално се перципира како залиха на вредност, како злато, со многу малку простор за трошење.
Неодамнешна студија на Дојче банк покажува дека инвеститорите сметаат дека биткоинот е најекстремниот балон на финансиските пазари. паг/
