Бетис ќе може да го купи Роке од Барса за 25 милиони евра
- Познати се деталите за позајмицата на Витор Роке од Барселона во Бетис. Фудбалерот му се приклучи на клубот од Севиља на позајмица со можност за продолжување на уште една сезона и опција за откуп.
![Бетис ќе може да го купи Роке од Барса за 25 милиони евра](https://mia.mk/images/20240828170203_big_730x400_76.webp )
Севилја, 28 август 2024 (МИА) - Познати се деталите за позајмицата на Витор Роке од Барселона во Бетис. Фудбалерот му се приклучи на клубот од Севиља на позајмица со можност за продолжување на уште една сезона и опција за откуп.
Според „Marca“, продолжување на позајмицата на крајот од актуелната сезона е можно само доколку Роке оваа сезона одигра сет број на натпревари за Бетис.
Доколку Бетис одлучи да го купи Роке на крајот од актуелната сезона, откупната цена ќе биде 25 милиони евра. Доколку опцијата се активира на крајот на втората година од позајмицата, трансферот ќе чини 27,5 милиони евра - додека Барселона ќе задржи 20% од правата на напаѓачот.
Доколку Бетис одлучи да не го купи напаѓачот на крајот на неговата позајмица, ќе го задржи правото на 30% од добивката доколку Барселона го продаде Роке во првата година од неговото враќање и 20% ако тоа се случи во втората година. зс/
Фото. ЕПА