Барселона, 25 јануари 2025 (МИА) - Барселона се договорила за нов договор со еден од своите најголеми таленти Педри, пренесуваат шпанските медиуми, како и експертот за трансфери Фабрицио Романо.

Веќе постои вербален договор меѓу Каталонците и 22-годишниот играч од средниот ред за продолжување на договорот до јуни 2030 година. Актуелниот договор на Педри истекува следното лето.

Конечните официјални детали ќе бидат договорени со агентите на играчот наскоро, бидејќи се уште не е одреден официјален датум за потпишување. Но, самиот Педри веќе се согласил на новиот договор.

Барселона на тој начин продолжува да врзува некои од своите перспективни играчи на долг рок, откако во последните два дена клубот ги продолжи договорите со Роналд Араухо и Жерар Мартин.

Се очекува наскоро со клубот повторно да потпише и големиот талент на Каталонците Ламине Јамал. дс

Фото: Архива