Минхен, 7 јуни 2025 (МИА) - Баерн се договори со Баер за висината на отштетата за дефанзивецот Џонатан Та, објави новинарот Флоријан Плетенберг на социјалната мрежа Икс.

Дваесет и деветгодишниот Германец ќе може да се приклучи на минхенскиот клуб пред истекот на договорот со Леверкузен и да игра на Светското клупско првенство во 2025 година.

Та играше за Баер од 2015 година. Тој одигра 402 натпревари за клубот, постигна 18 гола и имаше 13 асистенции.

Претходно, Баерн објави дека германскиот репрезентативец е слободен агент. Та потпиша четиригодишен договор со тимот од Минхен, кој стапува на сила на 1 јули.

Светското клупско првенство на ФИФА ќе се одржи од 15 јуни до 13 јули во Соединетите Американски Држави. 

Баерн ќе игра во групата Ц со Бока Јуниорс, Бенфика и Оукленд. зс/

Фото: ЕПА