Сеул, 13 октомври 2025 (МИА) – Северна Кореја најверојатно добила техничка помош од Русија за развој на подморници, изјави јужнокорејскиот министер за одбрана Ан Кју-бак пред Парламентот.

Северна Кореја се стреми да развие подморници што можат да лансираат балистички ракети и тестира такви ракети од подводни платформи, но не е јасно дали Пјонгјанг може да лансира ракети од подморници.

Северна Кореја и Русија значително ја засилија својата воена соработка изминатите две години, при што Пјонгјанг испрати повеќе од 10.000 војници да се борат во војната против Украина во замена за економска и воено-технолошка помош. ми/

фото: ЕПА