Лондон, 28 февруари 2024 (МИА) - Мик Шумахер не може да се натпреварува за Алпин на Формула 1 тестирањето. Шефот на Алпин, Бруно Фамен изјави дека во Формула 1 Германецот останува возач на Мерцедес, а Алпин ќе го претставува само во „ВЕЦ“.

Во овој поглед, според Фамен, програмата за приватни тестови зад воланот на Ф1 болидите од минатите години во Алпин е дизајнирана само за пилотите на младинската програма - пред сè, за резервниот возач на тимот Џек Дуан.

- Не, не можеме. Не планираме тестови за Мик Шумахер бидејќи наш резервен возач е Џек Дуан, а Мик во Формула 1 е резервен возач на Мерцедес. Нашиот договор со Мик е исклучиво за трки на издржливост. Кога станува збор за избор на возачка линија за 2025 година, имаме многу опции. Иако во моментов сме доста среќни со Пјер Гасли и Естебан Окон. И никој не знае кога ќе започне „глупавата сезона“ на пилот пазарот. Да, пред неколку недели ситуацијата беше под големо влијание на транзицијата на Хамилтон, но ништо друго не се случи оттогаш, рече Фамен.

Новата сезона во Формула 1 ќе почне претстојниот викенд. зс/

Фото: ЕПА