Индијан Велс, 16 март 2025 (МИА) - Шпанскиот тенисер Карлос Алкараз е разочаран по поразот од Британецот Џек Дрејпер во полуфиналето на турнирот во Индијан Велс (САД).

Натпреварот заврши со резултат 6:1, 0:6, 6:4 во корист на 14. светски рекет.

- Се разбира, сакав да победам трет натпревар по ред. Не сум толку многу разочаран што не го направив тоа, разочаран сум од себе - од начинот на кој пристапив кон играта, начинот на кој се чувствував во текот на денот, фактот дека бев нервозен. Првиот сет беше веројатно еден од најлошите сетови што сум ги играл во целата моја кариера. Колку време е потребно за да се надмине овој шок? Не премногу, затоа што се сметам за личност која учи од неуспеси, од порази. Ќе учам од овој натпревар и ќе се обидам да дадам максимум на турнирот во Мајами, изјави Алкараз за „talkSPORT“.

Во финалето на Мастерсот во Индијан Велс, Дрејпер ќе се соочи со Данецот Холгер Руне. 

Мечот за трофејот ќе почне вечер во 22 часот. зс/

Фото: ЕПА