Мадрид, 18 ноември 2025 (МИА) - Шесткратниот шампион на Грен слем турнирите и светски рекет број еден, Карлос Алкараз, нема да учествува на завршницата во Дејвис купот 2025 година во Болоња.

Алкараз се повреди за време на неговиот последен натпревар на Завршниот турнир во неделата против Италијанецот Јаник Синер.

Вчера шпанскиот тенисер беше подложен на магнетна резонанца, која откри оток на мускулот на десниот бут. Постои ризик од кинење на мускулот, па затоа неговиот тим одлучи да не презема никакви ризици.

Пабло Карењо Буста и Хауме Мунар ќе го заменат Алкараз во  шпанската репрезентација. Тие ќе се соочат со Чешка во четвртфиналето. зс/

Фото: ЕПА