Алисон е првиот голман во историјата на Ливерпул кој постигнал гол на официјален натпревар
- Голманот на Ливерпул, Алисон Бекер стана првиот голман во клупската историја кој постигнал гол на официјален натпревар.
![Алисон е првиот голман во историјата на Ливерпул кој постигнал гол на официјален натпревар](https://mia.mk/images/20221107035302_big_730x400_39.webp )
Ливерпул, 17 мај 2021 (МИА) - Голманот на Ливерпул, Алисон Бекер стана првиот голман во клупската историја кој постигнал гол на официјален натпревар.
Ливерпул го совлада Вест Бромвич со 2:1 благодарение на голот на Алисон во петтата минута од судиското надополнување и ги зачува шансите за пласман во Лигата на шампионите.
Овој гол Бразилецот му го посвети на својот починат татко Хозе Бекер кој почина во февруари 2021 година на 57-годишна возраст. Тој се удави во езеро во близина на неговата викендичка во јужен Бразил. зс/