Кабул, 24 март 2026 (МИА) - Владата на Авганистанските талибанци денеска објави дека властите го ослободиле американскиот научник Денис Којл, кој е во затвор во Авганистан од јануари 2025 година.

Во соопштението од Министерството за надворешни работи на земјата се вели дека Којл е ослободен во Кабул по повод Еид ал-Фитр, празникот што следи по светиот муслимански месец на постот.

Министерството соопшти дека американскиот научник е ослободен по жалбата на неговото семејство и откако Врховниот суд на Авганистан „прогласил дека неговата претходна казна затвор е доволна“.

Којл беше приведен во јануари 2025 година под обвинение за кршење на законот, иако авганистанските власти никогаш не кажаа кој закон го прекршил. мс/сд/

фото: Архива