Oтворен ден во велешката Гимназија „Кочо Рацин,“ најстара во земјава и на Балканот
- Средното општинско училиште Гимназија „Кочо Рацин“ на традиционален Отворен ден за деветооделенците од градот и поширокиот велешки регион, на штандови во дворот и во кабинетите, ги претстави наставните и вон наставните активности. Деветооделенците се запознаа со наставата и бројните проектни активности во Гимназијата „Кочо Рацин“ - најстарата во земјава и на Балканот отворена во 1857 година, а која годинава одбележува 166 години од своето успешно постоење. Од нејзините клупи излегле голем број на видни личности на ученици спортисти и други граѓани видни во своите професии.
![Oтворен ден во велешката Гимназија „Кочо Рацин,“ најстара во земјава и на Балканот](https://mia.mk/index.php/images/20230523161154_big_730x400_2.webp )
Велес, 23 мај 2023 (МИА) - Велешката Гимназија „Кочо Рацин“ денеска организираше Отворен ден за деветооделенците од градот и поширокиот регион. Деветооделенците се запознаа со наставата и бројните проектни активности во гимназијата, која е најстара во земјава и на Балканот.
Гимназијата „Кочо Рацин“ е отворена во 1857 година, а годинава одбележува 166 години од постоењето. Од нејзините клупи излегле голем број на видни личности на ученици спортисти и други граѓани видни во своите професии.
Во претстојната учебна 2023/24 година во четири-пет паралелки деветооделнците ќе можат да се запишат во природно-математичката во општетствено-хуманистичката и јазично-уметничката насока. Освен тоа има и две паралелки на албански наставен јазик како и една спортска паралелка за фудбал, а која е под ингеренции на Државното спортско училиште „Спортска Академија“.
Илија Попов директор на Гимназијата, од денешниот Отворен ден за МИА информира дека е задоволен од денешниот голем интерес кај деветооделенците и очекува годинава да има голем број запишани ученици освен од Велес и велешко, тука се запишуваат и завршените деветооделенци од училиштата од Општина Чашка, Градско и Лозово.
Жанет Јанев Сарагиновски професорката по германски, на Средношколската заедница и на Флеш Мот клубот им порача на сите деветооделенци да се запишат во Гимназијата затоа што во неа има многу што да им се научи, а посебно на оние што сакаат да го унапредат своето знаење и да стекнат солидни знаења во сите области како добра основа за запишување на врвните факултети.
На бината на отворено имаше и музички настап на талентирани гимназијалци на повеќе инструменти.
Инаку денеска на Отворениот ден за штотуку завршените матуранти имаше претставување од голем број на факултети од Скопје и земјава. ад/сх/
Фото: МИА