Со 800 гости и прием на кој присуствуваа видни личности од сите сфери на општеството, групацијата Феро Инвест и фабриката Брако го одбележаа своето 20 годишно постоење и успешно работење на македонскиот и на меѓународните пазари.

На корпорацискиот прием организиран во скопскиот хотел Александар Палас беа присутни првите луѓе на најголемите македонски компании, министри, високи претставници на политички партии, поранешни функционери, поглаварот на Македонската православна црква, амбасадори, членови на дипломатските мисии во земјата, странски партнери од 20 држави, новинари, професори и соработници.

На приемот беше емитуван документарен филм за 20-те години работа на компанијата, од нејзиното основање до денес, како и компаниската визија за иднина. Свое обраќање имаше претседателот на Стопанската комора, Бранко Азевски, кој порача дека фирмите кои се моторот на економијата се тие кои ја влечат државата напред и дека општеството треба да гради такви двигатели на развојот.

На настанот се обрати сопственикот и извршен директор Кочо Анѓушев кој зборуваше за идните планови за развој, пред се во енергетиката и за новите модели во светот кои и Македонија треба да ги услови. На настанот се обрати  и Благој Шалев, еден од партнерите во БРАКО, како и Ангел Анѓушев, директор на Грин Машинс.

Department fot Public Affairs, Media Relations, Marketing and Protocol

Fero Invest DOO Skopje

Boulevard Kliment Ohridski 30

Skopje Republic of North Macedonia

E-mail: press@feroinvest.mk

Phone: +389 2 5514 000

Mob: +389 75 402 786