Џерард одби да тренира саудиски прволигаш
- Англискиот фудбалски стратег Стивен Џерард објави денеска дека не сака да биде тренер во Саудиска Арабија, откако понуда на негова адреса дојде од прволигашот Ал Итифак во чии редови настапува и македонскиот репрезентативец Дарко Велковски.
![Џерард одби да тренира саудиски прволигаш](https://mia.mk/index.php/images/20230620141841_big_730x400_56.webp )
Лондон, 20 јуни 2023 (МИА) – Англискиот фудбалски стратег Стивен Џерард објави денеска дека не сака да биде тренер во Саудиска Арабија, откако понуда на негова адреса дојде од прволигашот Ал Итифак во чии редови настапува и македонскиот репрезентативец Дарко Велковски.
„Ја анализирав понудата и потенцијалното заминување за Саудиска Арабија, но ми се чини дека од тоа нема да има ништо“, изјави 43-годишниот Џерард за британските медиуми.
Легендарниот фудбалер на Ливерпул и репрезентацијата на Англија од крајот на минатата година е без тренерски ангажман, откако ја напушти клупата на премиерлигашот Астон Вила.
Во својата кратка тренерска кариера, Џерард претходно ги водеше младинските категории на Ливерпул, а потоа и шкотски Глазгов Ренџерс. ег/паг/
Фото: Твитер