Лос Анџелес, 30 декември 2024 (МИА) - Видеосервисот „Јутјуб“ тестира ново „лебдечко“ копче наречено „Пушти нешто (Play Something)“, коешто самото „ќе избира“ видеа за корисниците.

Копчето е забележано во апликацијата „Јутјуб“ на уреди со оперативен систем „Андроид“ - како лебди над долната лента на апликацијата. Кога корисникот ќе го допре, ова копче избира видео за корисникот и го пушта. Првичните податоци говорат дека новото копче е наменето за кусите видеа. 

Во текот на годинава, „Јутјуб“ тестираше и банер со истото име, како и едноставно копче со црно-белото лого на платформата.

Ако името и концептот звучат познато - „Нетфликс“ порано имаше функција „Изненади ме“ којашто се појави во 2021 година и предлагаше содржини за корисниците. Но, тоа копче веќе не е достапно. си/мс/

Фото: МИА архива